விஷ ஜந்துக்கள் கடித்தால் செய்ய வேண்டிய முதலுதவிகள். இந்த முதலுதவி செய்த பிறகு மருத்துவரின் ஆலோசனைப்படி, மருத்துவச் சிகிச்சை மேற்கொள்ள வேண்டும்.
கண்ணாடி விரியன்:
பாகல் இலைச்சாற்றை நிறையக் குடித்து வாந்தி எடுக்கவும். சற்றே விசத்தின் வீரியத்தை குறைக்கும். உடனே மருத்துவரை அணுகவும்.
நல்ல பாம்பு:
வாழைப்பட்டைகளைப் பாய் போல் பரப்பி பாம்பு தீண்டிய வரை படுக்க வைத்து, வாழைப்பட்டைச் சாற்றை உள்ளுக்குள் உட்கொள்ளச் செய்யவும்.
தேள்:
தேள் கொட்டிய இடத்தில் வெங்காயத்தையும், சுண்ணாம்பையும் ஒன்றாகக் கலந்து நன்கு தேய்க்கவும். சிறிது நேரத்தில் வலி குறையும்.
வண்டு:
கார வெற்றிலை 2 எடுத்து, 8 மிளகு சேர்த்து நன்கு மென்று சாரத்தை உள்ளே விழுங்கவும். தெரியாத பூச்சுக்கடிக்கும் இம்மருந்தையே பயன்படுத்தலாம்.
சிலந்தி:
ஆடாதொடை இலை, பச்சை மஞ்சள், மிளகு சேர்த்து அரைத்து கடிவாயில் கட்டவும். நிவாரணம் தரும்.
வெறிநாய்:-
மஞ்சளையும், பிரண்டையையும் சம அளவாக எடுத்து மைபோல் வைத்து நல்லெண்ணெயில் வதக்கி கடிபட்ட இடத்தில் கட்டவும். பிறகு மருத்துவரின் ஆலோசனையை பெறவும்.
எலி:
வெள்ளெருக்கம் பாலைத் தடவினால் அந்த இடம் புண்ணாகிவிடும். பின்னர் ஆற்றிவிட விஷம் நீங்கும். நாய்க்கடிக்கும் இது உகந்தது.
பூனை:
தூய்மையாக்கிய குப்பமேனி வேரை அம்மியில் வைத்து, பசும்பால் விட்டு வெண்ணெய் பதமாக அரைத்தெடுத்து காய்ச்சின பசும்பாலில் கரைத்துகுடிக்கவும். ஒரு வாரம் காலை, மாலை இரு வேளையும் பருகினால் குணமாகும்.
பூரான்:-
பஞ்சை மண்ணெண்ணெயில் நனைத்துக் கடிபட்ட இடத்தில் பரபரவென்று தேய்க்கவும். நெருப்புப் பக்கம் போகக்கூடாது.
நட்டுவாக்கலி:-
கொப்பரை அல்லது முற்றிய தேங்காயை மென்று விழுங்கவும். குழந்தை எனில் தேங்காய்ப்பாலைப் பிழிந்து தரவும்.
இது அவசர உதவி மட்டுமே . இந்த முதலுதவி செய்த பிறகு மருத்துவரின் ஆலோசனைப்படி, மருத்துவச் சிகிச்சை மேற்கொள்ள வேண்டும்.