“விதவை ஓய்வூதியத் திட்டம்” :அரசு வழங்கும் நிதி உதவி பெறுவது எப்படி.??

அரசாங்கம் வழங்கும் விதவைகளுக்கான ஓய்வூதிய திட்டத்தை பெறுவது  எப்படி என்பதை பார்க்கலாம்.

இந்திய அரசின் விதவை ஓய்வூதியத் திட்டம் கணவனை இழந்து வாழும் பெண்கள் தங்களின் சொந்த காலில் நிற்பதற்கும், அவர்களின் வாழ்க்கைத் தரத்தை உயர்த்த உதவுகின்றன. மேலும் குடும்பத்தில் தன்னுடைய கணவனை இழந்து வாழும் பெண்களின் பொருளாதாரத்தை மேம்படுத்தும் வகையில் இந்த திட்டம் செயல்படுத்தப்படுகிறது மேலும் அவர்கள் தங்களின் சொந்த காலில் நிற்பதற்கு யாரையும் எதிர்பாராமல் தங்களுடைய தேவைகளை தாங்களே பூர்த்தி செய்து கொள்ள வேண்டும் என்ற நோக்கத்திற்காக இந்த திட்டம் இந்தியாவில் அறிமுகம் செய்யப்பட்டுள்ளது.

திட்டத்திற்கு யார் தகுதியானவர்கள்?

• இந்த திட்டம் வறுமைக் கோட்டுக்குக் கீழ் மற்றும் 18 முதல் 60 வயதுக்குட்பட்ட விதவைகள் இந்தத் திட்டத்தின் மூலம் பயன் பெறலாம். 

இந்தியாவில் பெண்கள் திருமணம் செய்வதற்கான குறைந்தபட்ச வயதுக்கு ஏற்ப விண்ணப்பதாரர்கள் 18 வயதுக்கு மேல் இருக்க வேண்டும். அதன்படி மற்றொரு நிபந்தனை என்னவென்றால், 

• கணவரின் மரணத்திற்குப் பிறகு விதவை மறுமணம் செய்து கொள்ளக்கூடாது.
•  குழந்தைகள் மைனர்கள், அல்லது வயதான குழந்தைகளை கவனித்துக்கொள்ள முடியாத பெண்கள், இந்த திட்டத்திற்கு விண்ணப்பிக்கலாம். 

விதவை ஓய்வூதிய திட்டம் விதவை பெண்ணுக்கு மாத ஓய்வூதியத்தை அரசு வழங்கும். இருப்பினும், விதவை இறந்த பிறகு குழந்தைகள் அல்லது பிற குடும்ப உறுப்பினர்கள் நிதி நலனுக்காக தகுதி பெற மாட்டார்கள் என்பது குறிப்பிடத்தக்கது.

விதவை ஓய்வூதிய திட்டத்திற்கு விண்ணப்பிக்க தேவையான ஆவணங்கள் விண்ணப்பதாரரின் ஆதார் அட்டை, 

கணவரின் இறப்பு சான்றிதழ், 

முகவரி ஆதாரம், 

வருமான சான்றிதழ், 

வயது சான்றிதழ் சான்று, 

கைபேசி எண், 

வங்கி கணக்கு பாஸ்புக், 

பாஸ்போர்ட் அளவு புகைப்படம்

 இந்த ஆவணங்கள் இருந்தால் போதும். ஓய்வூதியத் தொகையை அரசாங்கம் தனது ஆதார் ஐடியுடன் இணைக்கப்பட்ட பயனாளி விதவையின் வங்கிக் கணக்கில் நேரடியாக டெபாசிட் செய்யும்.

மேலும் சில மாநிலங்களில், ஓய்வூதிய திட்டங்கள் வெவ்வேறு வயது கொண்ட அளவுகோல்களைக் கொண்டுள்ளன. எடுத்துக்காட்டாக, இந்திரா காந்தி விதவை ஓய்வூதிய திட்டதின் வயது வரம்பு 40 முதல் 60 வயதுக்குட்பட்ட விதவைகளுக்கு நிதி உதவி வழங்குகிறது. இதற்கான விண்ணப்பத்தை ஆன்லைனில் அல்லது ஆஃப்லைனில் மாவட்ட சமூக நலத்துறை அலுவலகத்தில் பூர்த்தி செய்யலாம்.