சித்த மருத்துவ குறிப்புகள்: கற்பூரவள்ளி பயன்கள், கறிவேப்பிலை பயன்கள்
கற்பூரவள்ளி பயன்கள்:
- கற்பூரவல்லி இலையை அடிக்கடி சாப்பிட்டால் மூக்கடைப்பு விலகும் .
- கற்பூரவள்ளி இலையை சாறு பிழிந்து குடித்து வந்தால் இருமல் குணமாகும்.
- கற்பூரவள்ளி சாற்றுடன்( 200 மில்லி) சம அளவு நல்லெண்ணெய் கலந்து காய்ச்சி தலையில் தேய்த்து வந்தால் சைனஸ், தலைபாரம், மூக்கில் நீர் கொட்டுதல் போன்றவை குணமாகும்.
- குழந்தைகளுக்கு அடிக்கடி கற்பூரவல்லி இலைச்சாறு 5 மில்லி கொடுத்து வந்தால் மாந்தம் விலகும்.
- கற்பூர வள்ளிச் சாற்றில் பனங்கற்கண்டு சேர்த்துக் கொடுத்து வந்தால் குழந்தைகளின் இருமல் உடனே நிற்கும்.
- கற்பூரவள்ளி இலையை தினமும் இரண்டு என்ற அளவில் சாப்பிட்டு வந்தால் காச நோய் குணமாகும்.
கறிவேப்பிலையின் பயன்கள்:
- கருவேப்பிலையை உலர்த்தி பொடி செய்து தினமும் சாப்பிட்டு வந்தால் சர்க்கரை நோய் குணமாகும்.
- கறிவேப்பிலை, கரிசலாங்கண்ணி கீரை இரண்டையும் சம அளவு எடுத்து உலர்த்தி பொடி செய்து தினமும் காலை, மாலை இரு வேளையும் 5 கிராம் அளவுக்கு சாப்பிட்டால் தலைமுடி கருமையாகவும், அடர்த்தியாகவும் வளரும்.
- கருவேப்பிலையை உலர்த்தி பொடி செய்து அதில் பெருங்காயத்தூள் சேர்த்து தினமும் உணவுக்குப் பிறகு 2 கிராம் அளவு சாப்பிட்டால் வாயுக்கோளாறுகள் நீங்கும்.
- கருவேப்பிலை, நிலாவரை இரண்டையும் சம அளவு எடுத்து உலர்த்தி பொடியாக்கி தினமும் இரவு உணவுக்குப் பிறகு ஒரு ஸ்பூன் அளவுக்குச் சாப்பிட்டால் பெருவயிறு மறையும், மலசிக்கல் தீரும்.
- கருவேப்பிலையை, மிளகாய் சேர்க்காமல் துவையல் செய்து சாப்பிட்டால் பித்த வெடிப்பு குணமாகும்.
- கருவேப்பிலையை அன்றாடம் உணவில் சேர்த்துக்கொண்டால் பித்தம், மூலம் குணமாகும்.
- கறிவேப்பிலையை மஞ்சள், கசகசா சேர்த்து அரைத்து பருக்கள் உள்ள இடங்களில் தடவி அரை மணி நேரம் ஊறவைத்து பிறகு குளித்தால் வடுக்கள் விரைவில் மறையும்.
- உலர்ந்த கறிவேப்பிலை, முந்திரிப் பருப்பு, நெல்லிமுள்ளி மூன்றையும் சம அளவு எடுத்து அரைத்துப் பாலில் கலக்கிக் குடித்தால் உடல் வலிமை பெறும்.
- கறிவேப்பிலை, சுக்கு, வெந்தயம், மஞ்சள் ஆகியவற்றை நன்றாக வறுத்து பொடியாக்கி தினமும் காலை ,மாலை இரு வேளையும் உணவுக்குப் பிறகு 5 கிராம் அளவுக்குச் சாப்பிட்டால் மூட்டு வலி, வாத நோய்கள் குணமாகும்.
- கறிவேப்பிலை, நாவல் மர இலை, கீழாநெல்லி மூன்றையும் சம அளவு எடுத்து விழுதாக அரைத்து பாலில் கலக்கிச் சாப்பிட்டு வந்தால் கல்லீரல் சார்ந்த நோய்கள் குணமாகும் .
- கருவேப்பிலை 3 கைப்பிடி, மிளகு 3 இரண்டையும் சேர்த்து அரைத்துச் சாப்பிட்டால் நன்றாகப் பசி எடுக்கும்.
- கறிவேப்பிலையுடன் ,சுட்ட புளி ,வறுத்த உப்பு, வறுத்த மிளகாய், ஆகியவற்றைச் சேர்த்து துவையல் செய்து சாப்பிட்டால் ஜீரண கோளாறுகள் சரியாகும்.
- உலர்ந்த கறிவேப்பிலை ,சுக்கு ,மிளகு, சீரகம், உப்பு தலா 10 கிராம் எடுத்து பொடி செய்து தினமும் சூடான சாதத்தில் போட்டுப் பிசைந்து சாப்பிட்டால் சர்க்கரை நோய் குணமாகும்.
- கருவேப்பிலை பொடி செய்து சாப்பிட்டு வந்தால் இதயம் பலம் பெறும்.
- கறிவேப்பிலையை அரைத்து சாறு எடுத்து தேங்காய் எண்ணெயில் கலந்து தலைக்கு தேய்த்து வந்தால் நரை முடி மறையும்.
- கருவேப்பிலை பொடி செய்து மிளகு, சீரகம், சுக்கு ஆகியவற்றை சம அளவு எடுத்து சாப்பிட்டால் மந்தம், மலக்கட்டு நீங்கும்.
- கருவேப்பிலையை அரைத்து முட்டையின் வெள்ளைக் கரு சேர்த்து குழைத்து தலைக்கு தேய்த்து குளித்தால் முடி கருப்பாக வளரும்.
- கருவேப்பிலை பொடி செய்து சாப்பிட்டு வந்தால் நன்றாக பசி எடுக்கும்.
- கறிவேப்பிலையைப் பொடி செய்து எருமைத் தயிரில் கலந்து சாப்பிட்டு வந்தால் சீதபேதி குணமாகும்.
- கறிவேப்பிலையை அரைத்து தலையில் தேய்த்து குளித்து வந்தால் முடி கருப்பாக வளரும்.