வீட்டை கிருமித்தொற்று இல்லாமல் வைத்திருக்க என்ன செய்யலாம்..??

வீட்டை கிருமித்தொற்று இல்லாமல் வைத்திருக்க என்ன செய்யலாம்..??

இந்தியாவில் கொரோனா தொற்று பாதிப்பு நாளுக்கு நாள் தீவிரமடைந்து வருகிறது. இதற்கிடையில் DELTA PLUS VIRUS  தமிழகத்தில் சூறையாட தொடங்கியது.

இந்நிலையில் ஒவ்வொரு வகை கொரோனா உருமாற்றமும் ஒவ்வொரு வகை பாதிப்பை ஏற்படுத்தியுள்ளது. டெல்டா வகையால் 2வது அலை ஏற்பட்டது. அந்த வகை வைரஸ், நோயாளிகளின் ஆக்சிஜன் தேவையை அதிகரித்தது

இந்த செய்தியின் படிங்க…

 Delta Plus  அதிக அளவில் பரவக்கூடியது : WHO( டெட்ரோஸ் அதானோம்) எச்சரிக்கை..!!

கொரோனா வைரஸ் டெல்ட்டாவாக மாறி, இப்போது டெல்டா ப்ளஸ்ஸாக மாறி வரும் வேலையில் எல்லோரும் வீட்டிலிருந்து வேலை செய்கிறார்கள். இந்நிலையில் தொற்றுக்கிருமிகள் வீட்டில் நுழைவதற்கான வாய்ப்புகள் உண்டு. வீட்டை கிருமித்தொற்று இல்லாமல் வைத்திருக்க என்ன செய்யலாம் என்பதற்கான குறிப்புகளை பார்க்கலாம்.

​கைகளை கழுவுங்கள்:

வீட்டிலிருந்தா கொரொனா வைரஸ் தாக்காது என்று நினைக்கலாம். ஆனால் வீட்டுக்குள்ளேயே இருந்தாலும் வெளியில் கடைகளுக்கு சென்று வந்த பிறகு, வீட்டிலிருந்து ஆன்லைனில் ஆர்டர் செய்து பொருள்கள் வாங்கும் போது என எல்லா நேரங்களில் உங்கள் கைகளை 20 விநாடிகள் சோப்பு போட்டு கழுவி எடுக்கவும்

வெளியில் எந்த மேற்பரப்பை தொட்டாலும்பார்சல், குப்பைகளை வெளியில் வீசி வருவது என எல்லா நேரங்களிலும் கைகளை சுத்தமாக கழுவி பிறகு வீட்டில் மற்ற பொருள்களை தொடுவதன் மூலம் கிருமிகள் தாக்காமல் இருக்கலாம். அதனால் எப்போதும் கைகளை கழுவுவதை வழக்கமாக்கி கொள்ளுங்கள்.

அழுக்குகளை சேர்க்காதீர்கள்:

குப்பைகளாகட்டும், சலவை துணிகளாக இருக்கட்டும். அதை சேகரித்து வைக்க வேண்டாம். அவ்வபோது குப்பைகளை அப்புறப்படுத்தி விடுங்கள். குப்பைகளில் கண்களுக்கு தெரியாமல் இருக்கும் உடலில் நோய் எதிர்ப்பு சக்தியை குறைத்து விடும். இதனால் கொரானா தொற்று எதிர்கொள்ள சிரமப்படுவீர்கள்.

ஆபத்தான கிருமிகளுக்கு கொண்டாட்டமாக இருக்கும் அழுக்கு குப்பைகளை உடனடியாக அப்புறப்படுத்துங்கள். குறைந்தது நாள் ஒன்றுக்கு இரண்டு முறை. ஆடைகளையும் குவியலாக்கிவிட வேண்டாம். வீட்டை சுத்தமாக வைத்திருப்பது போன்று சலவை ஆடைகளையும் சேர்க்காமல் வைத்திருங்கள்.

கிருமிநாசினி தெளித்து விடுங்கள்:

வீடு சுத்தமானதாக இருந்தாலும் ஒவ்வொரு 6 மணி நேரத்துக்கும் ஒரு முறை வலுவான கிருமி நாசினி முலம் வீட்டை சுத்தம்செய்யுங்கள். இதன் மூலம் கிருமிகள் இருந்தாலும் அவை வலுவிழந்து போகும். முக்கியமாக வாசல் கதவுகள், ஜன்னல்கள், நாற்காலிகள், படிக்கட்டுகளின் கம்பிகள் ( பயன்படுத்துவதாக இருந்தால்) மேசைகள் வீட்டின் எந்த பக்கம் இருந்தாலும் அதன் மீது கிருமி நாசினி தெளிக்க மறுக்காதீர்கள்.

கிருமி நாசினிகள் பயன்படுத்தும் போது அது கிருமிகள் அனைத்தையும் கொல்லும். அதனால் ஒவ்வொரு 6 முதல் 8 மணி நேரத்துக்கு ஒருமுறை கிருமிநாசினி தெளித்துவிடுங்கள்.

கையுறைகளை அணிந்து சுத்தம் செய்யுங்கள்:

வெளியில் சுத்தம் செய்யும் சுற்றுப்புற துப்புரவாளர்கள் மட்டும் தான் கையுறை அணிய வேண்டும் என்ற அவசியம் இல்லை. வீட்டை சுத்தம் செய்யும் போதும் வாசலில் வெளியில் சுத்தம் செய்யும் போதும் கண்டிப்பாக கையுறை அவசியம்.

கையுறைகள் அணிந்து சுத்தம் செய்வதன் மூலம் நோய்க்கிருமிகள் கண்டிப்பாக கைகளுக்குள் ஊடுருவ இயலாது. கையுறைகள் அணிந்திருக்கிறோமே என்று இல்லாமல் கையுறை அப்புறப்படுத்தி கைகளை கழுவுவதையும் வழக்கமாக்கி கொள்வது அவசியம்.

வீட்டிற்குள் சூரிய ஒளி படரட்டும்

இந்த செய்தியின் படிங்க…

Delta Plus Virus – “கவலைப்பட வேண்டிய வைரஸ்”..?? எப்படித் தப்பிப்பது..??

 வீட்டை நன்கு காற்றோட்டமாக வைத்திருங்கள். இதனால் சூரிய ஓளி வீட்டிற்குள் ஊடுருவ கூடும். சூரியனின் புற ஊதாக்கதிர்கள் பெரும்பாலும் வைரஸ்களை கொல்லும் அளவுக்கு வலிமையானவை என்பதற்கான சான்றுகள் உள்ளன.

கோவிட் 19 வைரஸ் அழிக்கும் என்று சொல்ல முடியாவிட்டாலும் இது வீட்டில் தொற்றக்கூடிய மற்றும் நோய் எதிர்ப்பு சக்தியை குறைக்கும் பிற வைரஸ்களை அழிக்க செய்கிறது. சூரிய ஒளி மற்றும் புதிய காற்று உடலில் நோய் எதிர்ப்பு சக்தியை உருவாக்கும்.

ஃபோனை சுத்தப்படுத்துங்கள்:

தொலைபேசி கழிப்பறை காட்டிலும் 10 மடங்கு பாக்டீரியாக்களை கொண்டு செல்வதாக ஆய்வுகள் தெரிவிக்கிறது. அதனால் அன்றாடம் நீங்கள் பயன்படுத்தும் செல்ஃபோன், தொலைபேசியை ஆல்கஹால் அடிப்படையிலான சானிடைசர் கொண்டு சுத்தம் செய்வது பாதுகாப்பானது.

இதை கொண்டு ஃபோனை துடைக்கலாம். வெளியில் செல்லும் போது ஃபோனை பயன்படுத்தும் போது வெளிப்பரப்பில் இருக்கும் கிருமிகள் ஃபோனில் ஒட்டி கொண்டு வரலாம்.

​ஆடைகளை வெந்நீரில் அலசுங்கள்:

வெளியில் சென்று வந்ததும் உடனடி குளியல் என்று பாதுகாப்பாக இருப்பது மகிழ்ச்சிதான். ஆனால் அணிந்திருக்கும் ஆடைகளை அப்புறப்படுத்தி சேகரித்து சலவை செய்ய கூடாது. அதே போன்று ஆடைகளை வெற்றுநீரில் அலசாமல் வெந்நீரில் அலசுவது முக்கியமானது.

வழக்கமான சோப்பு திரவங்களுடன் ஆடைகளில் எஞ்சியிருக்கும் கிருமிகளை வெளியேற்ற வெந்நீர் அலசல் முக்கியமானது. இது துணிகளை அலசி எடுப்பதை உறுதி செய்கிறது. தற்போது வாஷிங் மெஷினில் வெந்நீரோடு வரும் தயாரிப்புகளும் உண்டு.

​வெயிலில் ஆடையை உலர்த்துங்கள்:

இது மிக முக்கியமானது. ஆடைகளை வெயிலில் காயவிடுவதன் மூலம் கிருமிகள் முழுமையாக வலுவிழக்க செய்ய முடியும். துணிகளை வெயிலில் உலர்த்துவதன் மூலம் அவை உலர்ந்து கிருமிகள் இல்லாமல் இருக்கும். துணிகள் ஈரமாக இருந்தால் அது தொற்றுநோயை உண்டாக்கும் பாக்டீரியாக்களின் வளர்ச்சியை ஊக்குவிக்கும். ஈரமான ஆடைகள் அணிவதன் மூலம் உடலில் நோய் எதிர்ப்பு சக்தி குறையலாம்.

எல்லோரும் ஒன்றையே பயன்படுத்த வேண்டாம்:

வீட்டில் எத்தனை பேர் இருந்தாலும் ஒருவர் பயன்படுத்திய பொருள்களை மற்றவர் பயன்படுத்த வேண்டாம். சீப்பு, டவல், தட்டுகள், டம்ளர் என எல்லாமே ஒருவர் பயன்பாட்டுக்கு பிறகு அதை அப்படியே பயன்படுத்துவதன் மூலம் கிருமி தொற்று உருவாக கூடும்.

இந்த செய்தியின் படிங்க…

கொரோனா அதிர்ச்சி காரணமாக மனச்சோர்வு, உளவியல், தூக்கமின்மை அதிகரிப்பு..!!

 அதனால் ஒருவர் பயன்படுத்தியதை வேறொருவர் பயன்படுத்திய பிறகு அதை சுத்தம் செய்து உலரவிட்டு பயன்படுத்த வேண்டும். இதில் எக்காரணம் கொண்டும் கவனக்குறைவாக இருக்க கூடாது.

வெளியில் இருந்து வந்ததும் ஆடைகளை அலசும் போது அதை தனியாக துவைப்பதை உறுதி கொள்ளுங்கள்

Leave a Comment